இராணுவ தளபதி பெயரை பயன்படுத்தி வீதியில் மோசமாக நடந்து கொண்ட ஓய்வுபெற்ற இராணுவ வீரர் கைது...!

 

இராணுவ தளபதி சவேந்திர சில்வாவின் (Shavendra Silva) பெயரை பயன்படுத்தி மதுபோதையில் வீதியில் நிர்வாணமாக நடந்து கொண்ட ஓய்வுபெற்ற இராணுவ வீரர் ஒருவரை புத்தளம் பொலிஸார் கைது செய்துள்ளனர்.

பொலிஸ் அவசர அழைப்பு எண்ணான 119 எண் மற்றும் புத்தளம் பொலிஸாருக்கு கிடைத்த முறைப்பாட்டை அடுத்து இந்த நபரை பொலிஸார் கைது செய்துள்ளனர்.

“நாங்கள் சவேந்திர சில்வாவின் சகாக்கள்” எனக் கூறி சத்தமிட்டு, தகாத வார்த்தைகளை கூறி சந்தேகநபர் மோசமாக நடந்து கொண்டதாக வீதிக்கு அருகில் வசிப்போர் முறைப்பாடு செய்துள்ளனர்.

பல தினங்களாக இந்த நபர் இப்படி நடந்து கொண்டதாகவும், ஆடைகள் எதுவுமின்றி வீதியில் நடந்து சென்றதாகவும் அருகில் உள்ள முன்பள்ளியின் நிர்வாகி ஒருவர் தெரிவித்துள்ளார்.

இந்த நிலையில் கைது செய்யப்பட்ட நபர் புத்தளம் நீதவான் நீதிமன்றத்தில் ஆஜர்ப்படுத்தப்படவுள்ளார்.