ஆபத்தான நேரத்தில் உயிரைக் காப்பாற்றிய பெண் பொலிஸ் அதிகாரி! வைரலாகும் வீடியோ....!

 

சென்னை உள்ளிட்ட தமிழகத்தில் பல மாவட்டங்களில் கடந்த ஒருவார காலமாக கனமழை பெய்து வருகின்றது.

இதன் காரணமாக பலபகுதிகளில் தண்ணீர் தேங்கியிருக்கும் நிலை ஏற்பட்டதனால், பொதுமக்களின் இயல்புவாழ்க்கை கடுமையாகப் பாதிக்கப்பட்டுள்ளது.

இந்நிலையில், கனமழை காரணமாக சென்னை கீழ்பாக்கம் பகுதியில் உள்ள கல்லறையின் மீது இளைஞர் ஒருவர் மயக்க நிலையில் காணப்பட்டுள்ளார். இதையடுத்து, அந்த இளைஞர் உயிரிழந்துவிட்டார் என எண்ணி, பொலிசாருக்கு பொதுமக்கள் தகவல் தெரிவித்துள்ளனர்.

உடனடியாக சம்பவ இடத்திற்கு விரைந்து வந்த டி.பி.சத்திரம் காவல் ஆய்வாளர் ராஜேஸ்வரி அந்த இளைஞர் உயிருடன் இருப்பதை அறிந்து உடனடியாக அவரை தனது முதுகில் சுமந்துச் சென்று ஆட்டோவில் ஏற்றி அவரை கீழ்ப்பாக்கம் அரசு மருத்துவமனைக்கு அனுப்பி வைத்துள்ளார்.

இந்நிலையில் குறித்த பெண் காவலருக்கு பலரும் பாராட்டுக்களை கூறிவருகின்றனர்.