போராட்ட காலத்தில் உயிரிழந்த ஆசிரியைக்கு அஞ்சலி....!

 

ஆசிரியர்கள், அதிபர்களின் சம்பள நிலுவை போராட்ட காலத்தில் கடந்த ஒன்பதாம் திகதி மேற்கொண்ட எதிர்ப்பு ஆர்ப்பாட்டத்தின் மரணத்தைத் தழுவிக் கொண்ட ஆசிரியைக்கு அஞ்சலி செலுத்தும் நிகழ்வு இடம்பெற்றுள்ளது.

போராட்டத்தின் போது தெனியாய மத்திய கல்லூரி ஆசிரியை ஏ.டி.வருணி அசங்க எதிர்பாராத விதமாக மரணமடைந்திருந்தார்.

திருகோணமலை பிரதான பேருந்து நிலையத்திற்கு முன்பாக இன்று (15) இவ் அஞ்சலி செலுத்தும் நிகழ்வு திருகோணமலை மாவட்ட இலங்கை ஆசிரியர் சேவை சங்கம் ஏற்பாடு செய்திருந்தது.

மறைந்த ஆசிரியையை நினைவுகூர்ந்து சுடர்கள் ஆசிரியர்களால் ஏற்றி வைக்கப்பட்டது. இலங்கை ஆசிரியர் சேவை சங்கத்தின் கிழக்கு மாகாண செயலாளர் ந.ஜெயதீபன் தலைமையில் இந்நிகழ்வு இடம்பெற்றதும் குறிப்பிடத்தக்கது.