வயலுக்கு சென்ற இரு பிள்ளைகளின் தந்தைக்கு நேர்ந்த சோகம்! துயரத்தில் குடும்பத்தினர்....!

 

முல்லைத்தீவில் விவசாய நடவடிக்கைக்காக வயலுக்குச் சென்ற விவசாயி ஒருவர் சடலமாக மீட்கப்பட்ட சம்பவம் பெரும் அதிர்ச்சியை ஏற்படுத்தியுள்ளது.இச் சம்பவம் இன்று (01) திங்கட்கிழமை மாலை முல்லைத்தீவு, ஆண்டான்குளம் பகுதியில் இடம்பெற்றுள்ளது.

பூதன்வயல் முள்ளியவளையைச் சேர்ந்த  இரண்டு பிள்ளைகளின் தந்தையான 36 வயதுடைய வேலாயுதம் ரவிச்சந்திரன் என்ற விவசாயியே இவ்வாறு உயிரிழந்துள்ளார்.

உய்ரிழந்த நிலையில் சடலமாக மீட்கப்பட்ட விவசாயியை பாம்பு தீண்டி உயிரிழந்திருக்கலாம் எனத் தெரிவிக்கப்படுகிறது.

முல்லைத்தீவு மாவட்ட வைத்தியசாலையில் குறித்த விவசாயின் சடலம் பிரேத பரிசோதனைக்காக எடுத்து செல்லப்பட்டுள்ளது. மேலதிக விசாரணைகளை பொலிஸார் மேற்கொண்டு வருகின்றனர்.